HAB (Deba)

HAB, Historiaurrearen Harana.
Duela 20.000 urte gure arbasoak klima hotz batean bizi ziren; haitzuloetan eta kanpalekuetan egiten zuten bizilekua, eta ehiza zen haien bizimoduaren oinarri nagusia. Gizaki haiek bisonteekin, mamutekin, elur-oreinekin, otsoekin, lehoiekin eta hartzekin batera bizi ziren.

HAB garai hartako mundua ezagutzeko gonbidapena da, historiaurrea ezagutu eta sentitzeko aukera emango dizun aire zabaleko museo bat. Debako hondartzatik haraneko haitzuloetaraino eramango zaitu 3 kilometroko ibilbidean zehar, bost eremu eta paisaia desberdinetan barrena. Ibilaldian zehar pieza arkeologiko eta paleontologikoen erreplikak, eguneroko eszenen ilustrazioak eta haraneko ikonografian inspiratutako 50 euskarritan jasotako informazio zehatza aurkituko dituzu.