Ordizia

Merezi du alde zaharra bisitatzeak, eraikin historikoak aurkitzen baitira bertan.

Ordizia 1256an sortu zen, Gaztelako Errege Alfontso X.a Jakitunak herria fundatzeko agindu zuenean. Gaur egun, bertako azoka tradizionalagatik da ezaguna; 500 urte baino gehiagoko historia duen azoka honetan asteazkenero biltzen dira baserritarrak. Gainera, azoka honek gidatzat balio du Euskal Herri osoko nekazaritzako elikagaien prezioak finkatzeko. Merezi du alde zaharra bisitatzeak, eraikin historikoak aurkitzen baitira bertan.