Itzurun hondartza

Familia giroko hondartza zoragarria, flyscharen geruza bertikal ikusgarriek bere baitan bildua.

Zumaian kokatua eta Kantauri itsasora zabalik, hondartza zoragarri honek harea iluna eta estratu bertikal ikusgarriak ditu, eta Flyscharen ondorio diren itsaslabarren artean dago ezkutatuta. Nabigatzaileen babesle San Telmo ermitaren itzalpean aurkitzen da. Bertako hareek eta urek propietate onuragarriak omen dituzte osasunarentzat, iodo-kontzentrazio handia dutelako.