Zure plana Gipuzkoan zehar
Bideoa ikusiPrestatu zure zentzumenak historiaz eta edertasunez betetako lurraldean esperientzia paregabeak bizitzeko. Natura, kultura, abentura eta gastronomia uztartzen dituzten hainbat plan eskaintzen dizkizugu. Zure hurrengo txangoa hemen hasiko da!
Hain Naturala
Ehun urteko zuhaitzen xuxurlaka eta hamaika istorio gordetzen dituzten bidexken artean zabaltzen da Gipuzkoa. Ezagutu ezazu gure parke naturalen eta gune babestuen edertasun basatia. Murgil zaitez naturan eta goza ezazu arnasarik gabe utziko zaituzten paisaiez.
Hain Industriala
Ezagutu ezazu Gipuzkoako iragan industriala. Murgildu zaitez tradizioa eta modernitatea lotzen dituen bidaian, gure industriaren bilakaera kontatzen duten industria-leku enblematikoak, artisau-tailerrak eta museoak bisitatuz. Gipuzkoan iragana eta etorkizuna lotzen dituen ondare paregabea aurkituko duzu.
Hain Kostakoa
Zeharkatu Gipuzkoako kostaldea hondarretan ibiliz, olatuak surfeatuz, gazteluak eginez, eguzkipean atseden hartuz edota ilunabarrak begiztatuz. Hondartza aukera sorta zabala, kokapen paregabeetan eta beharrezko zerbitzu guztiekin.
Hain Lasaia
Deskonektatu berriro konektatzeko! Gure lurraldean sakabanatutako atsedenlekuen eta aisialdi guneen xarmak erakarriko zaitu, ingurunean paseo lasai bat emateko eta oroitzapen ahaztezinak sortzeko guneak dira. Naturan murgildurik egunpasa egiteko txokoak.
Hain Abentura
Gure mendi tontorretan edota itsasoan murgildurik, makina bat emozio bizi eta paisaia anitzak topatuko dituzu. Piztu zure izpiritu abenturazalea, eta urrats eta jauzi bakoitza, oihartzun bat izango da zure oroimenean. Ausartu zaitez Gipuzkoan turismo aktibo eta abenturazko ekintzekin. Profesional onenen eskutik, dibertsioa ziurtatuta dago!
Hain Familiarra
Familiak, ongi etorri Gipuzkoara! Adin guztiei bideratutako planak proposatzen dizkizuegu zuen egonaldian oroitzapen ahaztezinak sortzeko. Presta zaitezte Gipuzkoako bazterrak ezagutzeko hainbat esperientzia dibertigarri eta hezitzaileen bitartez.
Hain Zaporetsua
Gipuzkoa: bost zentzumenen jaia! Gozatu ezazu mokadu eta zurrutada bakoitzean, tradizio zabaleko bidaia gastronomikoa proposatzen dizugu. Murgildu zaitez Gipuzkoako gastronomia aberatsean, non pintxo bakoitzak istorio bat kontatzen duen eta osagai bakoitzak gure lurraren esentzia islatzen duen.
Hain singular shopping
Gipuzkoan, Federación Gipuzkoa Merkatariak, SINGULAR DENDAK proiektuaren parte diren tokiko merkataritzako denden sare zaindu bat aurkituko duzu, produktu paregabeen erakusleiho bizia, arreta hurbila eta benetakoarekiko konpromisoa. Moda, diseinua, gastronomia, dekorazioa eta askoz gehiago elkartzen dira xehetasunei arreta handiz erreparatzen dieten merkataritza txikietan, gure kaleei nortasuna eta bizitasuna emanez. Erosketa-esperientzia berezia, benetakoa eta nortasunez betea, jasangarritasunaren, tokiko talentuaren eta hurbileko zerbitzuaren aldeko apustua egiten duena.