Planak euriarekin

Eta orain... zer egingo dugu? Lehenik, ez etsi. Euri fin hori, zirimiria, Gipuzkoaren izaeraren parte da, barnealdeko udako ekaitz labur baten edo kostaldeko galerna baten antzera.

Gipuzkoara etorri eta bustitzen ez bazara, ez zara erabat hemen egon. Eta ez ahantzi euriari zor dizkiogula une oro mirets ditzakezun altxor naturalak. Gainera, euria egin arren Gipuzkoa ez da gelditzen. Egun horietarako B plan batzuk proposatuko dizkizugu. Mota guztietako museoetarako bisitekin edo enogastronomiarekin lotutako planekin goza dezakezu, Gipuzkoako bazter guztietan euri egun batek aitzakia ezin hobea ematen baitizu egun “hondatu” bat, kultura eta aisialdiko eskaintzen bitartez, gozamen egun zoriontsua bihurtzeko. Eta gogoratu, planen artean beti duzu aukera aterkia hartu eta, gure kostaldeko edozein tokitan, Kantauriko olatuak kostaldearen kontra jotzen ikusteko. Eguraldi txarrarekin ere, denok kalera!

Tabakalera

Tabakalera sortzeko, esploratzeko, partekatzeko, esperimentatzeko eta gauza berriak deskubritzeko lekua da. Publiko guztientzat zabalik dagoen kultur zentro irekia eta anitza.

Gehiago ikusi

Oiasso

Oiasso, Bidasoa ibaiaren bokalean kokatua, baskoien portu hiria izan zen erromatar garaian.

Gehiago ikusi

Topic

Tolosako Nazioarteko Txotxongilo Zentroa bakarra da Europan. Bost kontinenteetako txotxongiloak dira museo honetako protagonista bakarrak.

Gehiago ikusi

Balenciaga

Getarian dago jostun baten omenez egindako munduko lehenengo museoa; bertan, Getarian eta modaren eta goi-mailako jantzigintzaren eremuan jaio zen diseinatzailearen transzendentzia unibertsala islatzen da.

Gehiago ikusi