Abangoardia

CHEFEN PLANETA

Amonen sukaldea da funtsa. Sukalde hori joera berrietara egokitzea, berriz, bidea. Eta berrikuntza, etorkizuna.

Gipuzkoa sukaldaritzaren abangoardia da, mundu osoko ikasleak erakartzen dituena. Basque Culinary Center unibertsitateko fakultatea eta ikerkuntzako abangoardia da. Donostiatik 15 kilometroko erradioan dago Europako Michelin izarren kontzentraziorik handiena. Baina Gipuzkoako lehen maila, inon baino izen gehiago biltzen dituena, ez da Michelin orbitan amaitzen.

Goi-mailako sukaldaritzaren sekretuetako bat da plateren zapore trinkoa. Donostia inguruan, kilometro gutxitan Michelin izar asko dago eta sukaldaritza-eskaintza sorkuntza gastronomiko bilakatzen da. Konfitatutako edo erreduzitutako talentua balitz bezala.

Ez gara errealitatea puzten ari. Erdigunean hiriburua duen 25 kilometroko erradiodun zirkulu batean, kotxez 10 minututan egin daitekeen bidean, 16 Michelin izar daude. Are gehiago, Estatuan dauden hiru Michelin izarreko hamaika jatetxeetatik hiru Donostian daude. Egia esan, Japoniako Kyoto izan ezik, munduan ez dago beste lekurik metro koadroko kontzentrazio handiagoa duenik. Ohiz kanpoko gertakaria da, beste planeta batekoa balitz bezala.