Gastronomia gehiago
TXOKOLATEAK
Txokolatearen tradizioa Gipuzkoa osoan zehar egon da eta oso marka ezagunak izan dira.
Elgorriaga (Irun), Orbea eta Zahor (Oñati)... Mendaro Saint-Geronsen, Oñatiko Txokolateixia Museoan eta Tolosan dagoen Rafa Gorrotxategi Txokolatearen Museoan, txokolatea egiteko modu tradizionalak eta instalazioak ezagutzeko aukera izango duzu aldez aurretik erreserba eginda.
Eta ez ahaztu tokiko beste gozoak dastatzea. Tolosako teilak eta zigarrotxoak, euskal pastela, pantxineta donostiarra, Bergarako erreilenoak edo Azpeitiko Inazioak dira gure lantegietako gozo nagusiak.
KONTSERBAK
Kontserba tradizionalek, portu bakoitzean egiten baitzituzten urte-sasoiko defizitari aurre egiteko, egungo marketarantz eboluzionatu zuten, tradizional izateari laga gabe ordea, ontziratze teknikaz hornituta. Ibarrako piperminak ere potoan sartuta banatzen dira, eta ezinbestekoak ditugu bai babarrun-janetan bai beste plater batzuen lagungarri.
MUSEO GASTRONOMIKOAK
SAGARDOA, GAZTA ETA OGIA
EZKIO eta LEGAZPI
Urola Garaia eskualdean, gastronomiarekin lotutako museoen eskaintza anitza topa dezakegu. Ezkion dago Igartubeiti, XVI. mendeko baserri-dolarea; sagardoaren munduaz gozatzeko aukera eskaintzen du.
Legazpin Artzaintzaren eta Gaztaren Ekomuseoa topatuko dugu, Erreizabal baserrian; Igaralde baserrian, berriz, ogia nola egiten den erakutsiko digute.
www.lenbur.com
SAGARDOETXEA
ASTIGARRAGA
Astigarragan kokatuta, omenaldia egiten dio sagar eta sagar-zukuari. Erakusketa-gune bat du; sagasti bat askotariko sagarrekin, eta sagardoa dastatzeko gune bat.
IDIAZABALGO GAZTAREN INTERPRETAZIO ZENTROA
IDIAZABAL
Hemen ezagutu ahal izango dituzu gazta famatu honen jatorri-deituraren sekretuak. Gazta dastatzeko hastapen-ikastaro bat egiteko aukera izango duzu
D’ELIKATUZ
ORDIZIA
Ordizian kokatutako Elikadura, Nutrizio eta Gastronomia zentro honetan baratzeko kalitatezko produktuei buruz den-dena ezagut dezakezu.
GATZAREN MUSEOA
LEINTZ- gatzaga
Gatza ekoizteko mendeetan zehar erabili diren instalakuntzak ikusgai daude.
TXOKOLATEIXIA
Txokolatearen interpretazio zentroa.
OÑATI
Hiribildu hark duen txokolate-tradizio aberatsa eta goxoa erakusten du.
RAFA GORROTXATEGI TXOKOLATEAREN MUSEOA
TOLOSA
Museo zoragarri honek txokolategintzaren bilakaera historikoa ezagutzeko ibilbidea eskaintzen du. Bost mende baino gehiagoko historia, alegia. Bisitan zehar, metateak eta era guztietako tresna primitiboak, haietako batzuk kolonaurrekoak, ezagutzeko aukera izango dugu.
Bertako txoko berezia da Juan Ignacio Garmendiaren lantegi berregokitua, Euskal Herrian abian jarritako lehen lantegi elektrikoetako bat. Bisita amaitzeko, museoaren ondoko gune batean, 'Txokolatea' dokumentala ikusteko aukera izango dugu. Gune horretan bertan eskaintzen dituzten tailerrak eta txokolate-dastaketak.
